toki!
Toki Pona li pona ala tawa sitelen. Toki Pona li pona tawa toki. ni li pali nasa: jan li sitelen e lipu pi tenpo suno. A! mi kama li lukin e ni: mi ken pali e ni anu seme.

16.03.2009
tenpo pimeja monsi la jan pi toki pona Josa li toki e ni: mi mute li pana sona seme e Toki Pona tawa jan ante? tenpo lili la tenpo musi toki li lon. pali ni li pona tawa pilin en insa. mi wile pali e ni: jan li kute musi e Toki Pona. tenpo sike monsi la mi mute li ken e ni. mi pali kepeken lawa e ni.

17.03.2009
tenpo pimeja pini la mi tawa kepeken noka tan tomo pali. mi tawa poka telo Neva. ni li pona mute tawa lukin tawa pilin! mi tawa la mi pali e toki musi. mi awen ala e ni kin! mi pilin e ni: toki musi li sama e musi Pilusi (blues). ni li ona:

TOKI MUSI PILUSI

mije li open e uta.
ona li pilin mute.
ona li lukin e meli.
meli li wile e mani.
mani li kama ala
lon luka pi mije ni.
pimeja tenpo li kama.
suno li lon oko mije.
mije li musi uta.
meli li toki tawa
mije: o lukin ala!
mi unpa kepeken mani.
mije li pilin ike.
ona li telo nasa.
ona li olin e meli.
meli li olin e mani.
mani li olin ala
e meli e mije ali.
ali li pilin ni!

19/03/2009
tenpo suno ni la mi tawa mute kepeken noka. mi wile sona e ni: tenpo sike nanpa 1917 la jan Lenin li tawa tomo Simoni. tenpo mute ala mute la ona li tawa noka? mi tawa. taso noka mi li pilin kalama lili. noka mi li kama wawa ala. ni li ike. mi o tawa noka!

22/03/2009
tenpo suno pini la sijelo mi li pakala tan seme: mi tenpo suno pini pini la mi moku mute e telo nasa. pakala! mi jo ala tenpo suno mi. mi o moku lili e telo nasa!

SUPA PALI
O SITELEN TAWA MI